Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

د غزني په اندړو ولسوالۍ کې یوه روغتیايي مرکز ته ودانۍ جوړه شوه

د غزني په اندړو ولسوالۍ کې یوه روغتیايي مرکز ته ودانۍ جوړه شوه

By
On
Nov 15, 2017 - 15:45

غزني (پژواک، ٢٤ لړم ٩٦): د غزني په اندړو ولسوالۍ د يو روغتيايي مرکز ودانۍ جوړه او ګټې اخیستنې ته وسپارل شوه.

د غزني د والي وياند محمدعارف نوري د لړم په ٢٤مه پژواک خبري اژانس ته وويل چې پر دغه روغتيايي مرکز څه کم ١٣ ميليونه افغانۍ لګول شوې دي.

هغه وايي: ((مخکې هم دلته روغتيايي مرکز و، خو ودانۍ يې نه درلوده او چارې يې په کرايي کور کې پر مخ وړې، خو اوس ورته ودانۍ جوړه شوه.))

نوري زياته کړه چې دغه ودانۍ د يو کال په موده کې په پاخه او اساسي ډول جوړه شوې ده.

د ابراهيم خېلو سيمې اوسېدونکي نقيب الله پژواک ته وويل چې دغه روغتيايي مرکز له ناروغانو سره يواځې لومړنۍ مرستې کوي.

ده وويل: ((يواځې عادي مريضان ګوري، اساسي وسايل نه دي ورکول شوي، خلک مجبور دي خپل مريضان غزني ښار ته يوسي.))

خو د غزني د عامې روغتيا رييس ظاهرشاه نېکمل بيا وايي چې ټولو روغتيايي مرکزونو ته يې له امکاناتو سره سم وسايل ورکړي دي.

ده وويل چې يواځې د ډاکترانو په برخه کې ستونزې لري او دغه موضوع يې هم له وزارت سره شريکه کړې ده.

غزني د افغانستان د نا امنو ولايتونو له ډلې څخه دى چې په ناوه، اب بند، ګيرو او اجرستان ولسواليو اوسېدونکي يې له روغتيايي ستونزو سره مخ دي.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update